Hot 100 Artist-ah Drake bawk

A album-in Billboard 200 chart-ah pakhatna luah thei tawh lo mah se mimal takin Drake chu Billboard Artist ṭha 100 thlan chhuahah pakhatna a la ni thung.

Drake hian a zawnin pakhatna hi vawi 21 zet a luah ta. Billboard Artist 100 hi Billboard chart hrang hrang - Billboard 200, Billboard Hot 100 leh Social 50 chart te tiamin, henga an chet
ṭhat dan leh huhang an neih dan aṭanga teh a ni. Chart-a an lan mai bakah, radio-a an hla play aṭang te, streaming leh social media hrang hranga fan-ten an hmuh dan aṭangte pawhin an teh bawk.

Mipa zingah Drake hi Hot 100 Artist-a pakhatna luah ngun ber a ni tawh a, a pumpuiah erawh chuan Taylor Swift a la tluk lo thung. Taylor Swift hian chawlhkar 31 chhung zet pakhatna a luah tawh a ni. Hot 100 Artist-ah hian pahnihnaah Twenty One Pilots an awm a, Rihanna chu pathumna a ni.