Dota 2 tourney-ah prize a ṭha

Dota 2 hi khawvela esports-ah chuan lawm­man ṭhatna ber a ni ṭhin hrim hrim a, tunah hian lawm­man a ṭha lehzual dawn ta. Kum tina buatsaih ṭhin Dota 2 tournament ropui, The International-ah kum dang aiin lawmman a ṭha lehzual dawn.

Kumina The Inter­national-ah hian a tihdan phung tlem tihdanglam hlek a ni a, lawmman a ṭhat lehzual theih nan crowdfunding kalhmang siam ṭhat a ni. A tiṭhatu ber chu Compendium a ni a, hei vang hian lawmman hi USD mtd 15 zet sem chhuah a ni tawh ang.

Game cosmetic hrang hrang hralhna a ṭha sawt hle a, heng hralhna aṭanga sum hmuh hi USD mtd 50 zet a tling a, heng aṭanga zaa 25 zet chu lawmman atan hian a kal a ni.

Nikum khan, The International-ah hian USD mtd 11 sem chhuah a ni a, kumin hian nikum aiin USD mtd 4 zetin a pung ta a ni. Nikum khan Chinese team, Newbee an champion a, kumina The International neih leh tur hian ngaihven a hlawh a, Newbee pawh an ṭang leh hle. Kumin hian US Seattle-ah intihsiakna hi August 3 aṭang 8 chhung hian nghah a ni ang.