Uriah Heep drummer hlui Lee Kerslake a thi

English musician, Uriah Heep leh Ozzy Osbourne drummer-te pawh lo ni tawh ṭhin Lee Kerslake chu Inrinni khan kum 73 mi niin a thi.

Lee Kerslake hian kum 1972-a Uriah Heep-in 'Demons and Wizards' album an siam aṭang khan an band a zawm a, studio album pakua lai a siampui hnuah kum 1978 khan a chhuahsan a, kum 1982-a  'Abominog' album an siam dawn khan zawm lehin kum 2007 thleng khan a tel leh a ni. Kum 1980 chhoah khan Ozzy Osbourne drummer a ni tel bawk a, heng hunlai hi chuan khawvela drummer hriat hlawh ber pawl a ni nghe nghe.

Kum 2018 khan Uriah Heep tan hian ṭum khat chu drums a vuak sak leh bawk.

Nikum hmasa khan Kerslake cancer vanga enkawl a ni tih sawi chhuakin thla rei lote chiah a dam tawh dawn nia hrilh a nih thu a sawi bawk a, cancer vang hian a thi ta a ni.