Mizo Dance Camp Zaninah a kharna

Lâm lama Mizotena zirna kan neih ṭhat, Mizo Dance Camp (MDC) kharna chu zanin hian Vanapa Hall-ah neih a ni dawn a, hetah hian show hmuhnawm tak tak a awm ang.

Mizo Dance Camp hi June 1 aṭang khan ṭan a ni a, thla khat chhung MDC-a lâm zir ten an thil zirte mipui hmuh turin an perform dawn. Zirlaite bakah zirtirtu leh MDC Team te an lam dawn bawk. Dance style hrang hrang entir a ni ang a, chung zingah chuan Contemporary, Jazz, Latin Ballroom, Popping, B-boying, Hip Hop Commercial, lyrical leh choreography hrang hrang te entir a ni ang.

Show hi zanin, Zirtawpni zan dar 7:00 hian Vanapa Hall ah ṭan a ni dawn a, ticket hi mi pakhat tan Rs. 50 a ni.