Spice Girls-in 'Wannabe' music video an siam thar leh dawn?

Spice Girls chuan an band kum 25 tlin lawmna pualin 'Wannabe' music video an siam thar leh dawn niin khawthlang lam media-te chuan an tarlang tlat mai.

British Girl Group-te hian an band kum 25 tlin lawmna tur hian tour neih tumin ruahmanna an siam a, mahse Covid-19 hripui vangin he an ruahmanna hi an kaltlangpui thei lo. Hemi aiawh tur pawh hian a ni mahna Britain' The Sun chanchinbu chuan Mel B, Emma Bunton, Geri Horner, leh Mel C-te hian kum 1996-a chart hrang hranga No.1 an lo nihpui tawh 'Wannabe' music video hi shoot thar leh an tum niin an tarlang.

Nakkum lamah chuan anniversary tour pawh an nei mai thei tih tarlang bawkin an kum 25 tlin lawmna pual hian eng emaw tak, thil lian tham tak buatsaih an tum tih an tarlang a ni.

Victoria Beckham hmel erawh kan la hmu rih dawn lo niin a lang thung. 'Wannabe' hi an single hlawhtlinpui ber a ni a, music video an siam thar leh a nih chuan an fan tam tak lung a tileng ngei ang.