Fashion Fiesta Lakme Fashion Week
Kum tina neih ṭhin Lakme fashion week Winter/Festive chu kalpui mek niin, Nilaini aṭangin ni 28th August 2016 (Pathianni) thleng he show hian a awh dawn a ni. Kum 1999 aṭanga he fashion week hi neih ṭan a ni a, title sponsor-tu chu cosmetic brand lian Lakme niin IMG Reliance te nen ṭangkawpin, he show India rama fashion show lian tham ber leh ngaihhlut ber ni ta hi bul an lo
ṭan a ni. A tir lamah chuan khawvel model langsar Naomi Campbell-te ngei pawh runway-ah rawn inlanin, film star, India chhul chhuak Deepika Padukone, Malaika Arora Khan leh Arjun Rampal-te a tichangtlungtu zinga mi an ni. Khawvel label lar tawh sa Roberto Cavalli, Louis Vuitton, Dolce & Gabbana-te hial pawhin show an rawn nei tawh nghe nghe. India designers zingah Manish Malhotra, Rohit Bal, Tarun Tahiliani leh Rituberi-te a sulsu hmasatute niin kumin Winter Festive Show-ah pawh hian boruak nei berte an la ni fan a ni. He show hi mite ngaihhlut niin India rama designer kei ka ni inti chin tawhte chuan tel ngei ngei an duh ṭhin a, vawiina Bengali designer lar em em mai Sabyasachi Mukherjee rawn lar chhuahna show ngei mai kha a ni.
Kum dang ang lo takin a vawi khatna atan kumin Winter show bikah hian plus size (mi pangngai aia lian deuh hlek leh thau lam deuh te sawina) model-te an inlan dawn a, he show hi mite ngaihven a hlawh zual phahna pawh a ni reng a ni. Pathianni chhun dar 2:30 p.m. ah heng nula paruk size tÍ chhe lo tak tak, an k‚wng ringawt pawh inchi 34 chin ṭhah, nalh tak maiin an rawn inlan dawn a, anni bakah hian mipa pali tel vein, mipa lam pawh inchi 38 chunglam an ni a, an thawmhnaw size lian siamchuaktu brand lar tak ALL te kutchhuak rawn inbelin, designer lar chho mek Chavan (Little Shilpa) brand neitu nu kaih≠hruaina hnuaiah kumin hian show hmuhnawm zet kan hmu ngei turah ngai ang. He plus size show atana inbuatsaihna hi July thla lam daih tawh khan an nei a, mi 160 teh meuh mai audition paltlang tumin an rawn inlan a, chung zinga 10 chu thlanchhuah an ni.
He fashion week-in a tum pakhat, mawina hi pian nalh leh chÍr/pawn lam lan danah ni lovin chhungrila mawina zia pholan duhna avanga buatsaih a ni. Chavan hian sawi zau zelin khawthlang ramah te pawh plus size te hian mite hlut a hlawh chhoh zel bakah runway-ah hian nula chÍr, nalh tak takin thawmhnawte hi rawn inbel ṭhin mah se, a lei duhtute chu anmahni aia let tam taka size lian zawkte an nih ṭhin avangin India ram chhungah ngei pawh tih chhunzawm zel chi ni dawnin an sawi.
Kum tinin April thla leh August thlaah summer leh winter atan bik show hi buatsaih ṭhin a ni a, Manish Malhotra Collection nalh tak tak leh ropui deuh deuh, inneih ni leh hunpui atana hak tura siam deuh bikte rawn phochhuakin, a ramp leh stage cheibawl dan zet zawng sawi hat tham a tling a ni. Showstopper atan tunlai film star lar chho mek Shraddha Kapoor leh Sushant Singh Rajput-te hmangin a collection a tihlar phah hle. Miss Universe hlui Sushmita Sen leh Neha Dhupia te entute zingah a langsar deuhte an ni a, a show hluttu a neih ṭhatzia a tilang chiang hle a ni.
Wendell Rodricks collection erawh hmeichhe pian leh kum hrang hrang tihlanna ni pahfawmin nutling leh thau pui pui, tar lam deuh ten a design fual tla deuh hnelh hnelh te inbelin ramp-ah an rawn inlan a, fashion lama sawiseltu ṭhenkhat ten Wendell collection bik hi winter (thlasik) a hak chi ni vakin an hre lo a, a chhan chu a tlangpuiin a thawmhnaw ho hi rawng light lampang leh puanthan pan tla deuh hniang hniang lamte an hman nasat vang ni berin a lang. He show tihlutute chu designer lar chho mekte collection dangdai tak tak, en chakawm em em te hi an ni. Designer zinga naupang ber Paridi, kum 23 mi thawm≠hnaw a felfai phian a, Gaurav Khanijo -a 3D design Dragonfly (Daidep) dangdai zet maite hian mite lawm a hlawh hle. Anupreet Sidhu-in ama kut ngeia steel studs 216 lai mai a bel khah te leh Vaibhav Singh-in ni hnih chhung leka leather leh wool inpawlh Jacket a siamchhuah te, Rubu thawmhnaw hoa puanthan chi sarih ngawt mai inchawhpawlh hmuh tur awm te leh Abhishek Paatni thawmhnawa design in-cut dan zia rang chi sawm pathum inchawhpawlh kan hmuh te, he show-a thil thar kan hmuhchhuah te an ni.
Lakme Fashion Week Zofaten kan ngaihlu lutuk lem lo mai thei. Amaherawhchu, kan Mizo nula ngei Emily Hmingthansangi Chenkual, Khatla New Capital Complex-a awm mek, Mizote min tihmingṭha fo tawhtu ngei mai he show-ah hian a vawi khatna atan ni 25 khan designer thawmhnaw inbelin runway-ah kan hmu a, kan hriat theih chinah Mizote zinga a hmasa ber niin, ṭhangthar modelling lama tuite tan kawng sialsaktu pawimawh tak anih avangin he issue bik hi ama tan ka rawn ziak a ni e.
Tluangpuii Hmar
Instructress
Vakiria Institute of Fashion Technology