VMA-ah Kanye West a zalên dawn VMA-ah Swift a inlan loh phah dawn

Tun Pathianni zan lo awm tura MTV Video Music Awards sem turah Kanye West chu hun zalÍn pek a ni dawn a, a duh duh a sawi thei dawn. Taylor Swift chuan hei vang hian MTV VMA-ah a kal dawn lo tih a sawi nghal.

New York-a Madison Sqaure Garden MTV VMA sem turah hian Kanye West chu a duh zawng apiang a tih theih nan hun zalÍn, minute li (4) chhung pek a ni dawn nia sawi a ni. Khawthlang chanchinbuten an tarlan dan chuan he minute li chhung hian a chham thei a, a zai thei a, a duh chuan a ngawi reng thei niin an sawi.

MTV VMA-ah hian Kanye West hi a che ngap thei hle. Kum 2009 khan Taylor Swift-i award dawn chu a sawiselsak vak tawh a, stage-ah a han tibuai a ni. Nikum khan Video Vanguard Award hlan a ni a, hemi ṭum hian kum 2020-ah US president thlan leh turah din a tum tih a sawi bawk.

Hetianga hun zalÍn pek a nih dawn avang hian Taylor Swift tan chuan thil huphurhawm tak a ni. People chanchinbuin a tarlan dan chuan Taylor Swift hian MTV VMA-a kal a tum lo. Kumin khan Kanye West hian 'Famous' hla a ti≠chhuak a, he hlaah hian Taylor Swift a sawi nasa hle. Hemi hnu aṭang hian Taylor Swift leh Kanye West te inkar hi a khi zau lehzual a ni.