Inter Branch YMA Quiz Bethlehem Vengthlang pakhatna

Electric Veng Branch YMA-in an Golden Jubilee lawm nana Inter Branch YMA Quiz an buatsaih chu ni Zirtawpni zan khan Final a ni a, Bethlem Vengthlang Branch aiawha tel, H. Lalhruaizela leh Lalrammuani Hnamte te chuan point 145 hmuin pakhatna an ni.

Branch YMA 89 in tel tuma hming an pek luh, Inter Branch YMA Quiz hi Elimination Round neih a nih hnuah Branch 48-in LPS leh ZONET TV-a LIVE prog≠ramne kal tlangin an intihsiak a, Branch 24-in Second Round l˚tin Branch 12 chuan Semi Final an l˚t leh a, heta ṭang hian Rangvamual, Bethlehem Vengthlang, Chanmari, Durtlang leh Thingsulthliah Hospital Area Branch-ten Final an thleng.

Final-ah hian Bethlehem Vengthlang Branch YMA aiawha telte H. Lalhruaizela leh Lalrammuani Hnamte-te'n point 145 hmuin pakhatna an ni a, pahnihna chu Thingsulthliah Hospital Area Branch YMA aiawha tel Laldinthara leh K. Lalṭanpuia te niin point 120 an hmu. Pathumna chu Rangvamual Branch YMA aiawha tel Lalawmpuia leh Lalramthangi te niin point 103 an hmu a, Chanmari Branch YMA aiawha tel V. Lalchhandama leh K. Lalmuanpuii-te'n point 100 hmuin palina an ni a, Durtlang Branch YMA aiawha tel Lalrochhara Chenkual leh Zonunmawia-te'n point 95 hmuin pangana an ni.

Pakhatna Bethlehem Vengthlang hian Rs. 1,00,000, pahnihna Thingsulthliah Hospital Area-te'n Rs. 50,000, pathumna Rangvamualin Rs. 20,000, palina Chanmari leh pangana Durtlang te hian Rs. 10,000 ve ve te an dawng. Pawisa fai bakah hian heng branch-te hian thuziak, lehkhabu leh silpoulin te an dawng vek bawk.

Quiz-ah hian Chanmari Branch aiawha tel, K. Lalmuanpuii chu mimala zawhna chhang dik hnem ber niin trophy, Rs. 1,000 leh thuziak pek a ni.

Inter Branch YMA Quiz-ah hian Rev. Liangkhaia ziak Mizo chanchin, leh YMA chanchin, YMA Dan Bu leh YMA Hla Bu hmangin intihsiak a ni a, a tel zawng zawng Branch 89 te hian thuziak leh silpoulin an dawng vek a ni.