Rapper DMX-a'n Pathian thilmak a ring

Rapper chanchin ngah ve tak, ruihhlo leh ralthuam kawl avanga man pawh lo tawk fo tawh chuan a pianthar hnuah a Kristianna chungchang sawi chhuah nuam a ti hle. Tunhnai pawh khan Pathian thil tih mak a rin thu a sawi a, thilmak thleng tur erawh chuan harsatna a awm a ngai thung a ni a ti.

DMX chuan, "Harsatna leh lung≠ngaihna hmunah thilmak a thleng ṭhin a ni. Harsatna a awm miah loh emaw, mahnia ti thei leh harsatna pawh mahnia paltlang thei nia inngaihna aṭang chuan thilmak engtin nge a thlen ang?" a ti. Ruihhlo avang leh, a nuna sualna avanga harsatna hrang hrang lo thleng chu DMX chuan a tan chuan Pathian kohna hmanrua, Pathian thil tih mak a hmuhna a ni tih a sawi.

"Tunah chuan harsatna tawh pawh ka huphurh ta lo. Pathian hnenah ka nunah hian harsatna lo thleng se tiin ka dil ṭhin zawk a, chu harsatna aṭang chuan Pathian duh dan ka hriat fiah theih phah a ni," a ti. "A harsat a, a hrehawm poh leh Pathian ka fak nasa ting mai a ni," a ti bawk.

DMX hian pastor nih a ch‚k a, Setana nasa taka beih a duh bawk. "Setana tana buaina ka thlen loh chuan Setana hian a hun hi holam mai maiah a hmangral ngai lo," a ti a, Setana a do loh chuan a lam ṭang a ni tihna a ni tiin a sawi a ni. "Pathian tana ka beih a, a lama ka ṭan loh chuan engtin nge a duhzawng ka hriat theih ang ni," a ti bawk a, harsatna leh hrehawmna karah pawh Isua chu amah tichaktu a ni tih sawiin, "Krista, mi tichaktu avang chuan engkim mai hi a tih theih ṭhin a ni," a ti bawk.