Nunna Thar ost

Andrew Laltlankima'n a sa tawh a, mahse Nunna Thar movie siam mekah Andrew-a sak kha original soundtrack-a hmang loin, zaithiam dang saktirin, nunna Thar movie siamtute chuan he track leh music video hi an tichhuak ta.

Mizo Kristian film nghahhlelhawm original soundtrack chu tihchhuah a ni a, he hla satu hi Wendy Zaithanpuii, Zarkawt chuan a sa a, a mu≠sic track hi Lal K. Sailo kutchhuak a ni. Recording leh mixing hi Kings and Prophets Studio-a khawih a ni thung.

Wendy hi mi tam tak chuan kan hria ang, music khawvelah pawh hnuhma lo nei nual tawh a, kum 2012 aṭanga kan hriat ṭan tawh kha a ni. Kum 2012 aṭanga 2014 chhung khan Wendy hi Blues Sheriff-a an vocalist kha a ni a, hei bakah hian D is Silent-ah an vocalist angin a awm bawk. Tunah chuan band-a telna hranpa em em a nei tawh lo thung. Mimal tak pawhin zai lamah chawimawina leh hlawhtlinna a lo chang fo tawh ṭhin. Home Mission School-a a kal laiin zaithiam bera thlan a ni tawh a, Bishop John≠son School-ah Best Soloist a ni tawh a, Pailan World Internationals-ah Best Vocalist nihna a lo dawng tawh a, MZU beat contest-a an band an tel
ṭum khan Best Vocalist-a thlan a ni tawh bawk. Tunah hian music lama hmasawn zel turin a inbuatsaih mek. A tum anga a awm theih chuan Forthworth, Texas-a South Western Theological Seminary School of Music-ah Church Music a zir zawm ang.

Nunna Thar film hi October 7 hian tlangzarh tum a ni a, tuna a ost tichhuah hi film tihlar lawkna tur liau liaua siam a ni. YouTube-a an dah tawh bakah, TV lamah pawh an dah tawh bawk. Nunna Thar film hi Vanapa Hall-ah tlangzarh a ni ang a, hemi hnu hian District khawpui hrang hrangah show neih a ni ang a, Aizawl-ah a tawp nan show neih chhunzawm a ni ang. Tun aṭangin chhuah turin a hauh lawk theih tawh a, veng 30 chuangin an hauh tawh a ni. Hauh lawk duh tan 90-89-289064 ah biak theih reng a ni.