Circle of Music Meet hmang MDM Awards sem a ni bawk

Zirtawpni khan Music Domain Mizoram chuan Vortex Studio, Sikulpuikawnah 4th Circle of Music Meet 2016 an hmang a, hetah hian MDM Awards sem nghal a ni.

MDM 4th Circle of Music Meet 2016-ah hian zaithiam tam tak zaiin, zaithiam 20 dawn laite live music leh music track nen an zai. Hemi hunah hian kum danga lo tih tawh ṭhin angin MDM Award sem nghal a ni, Best Gospel Artist hi Stacy VL Muanpuii chuan a dawng a, Best Artist Lengzem/lenglawng hi Manuna hnenah hlanin, One in Christ chuan Best Group/Band an dawng a, Vanhlupuii chu Lifetime Achievement Award hlan a ni bawk.

Circle of Music Meet hi kum tin hman ṭhin a ni a, heta zai tur hian artist te thlan bik an ni
ṭhin bawk. MDM Joint Secretary, Raymond Hnamte chuan inhmelhriattirna neiin, President-in thu a sawi. MDM hian Audio House, Purple Electronics, Colney Brothers, Skynet Computers leh MDM Office-ah te Mizo zai hla thar leh hla duh zawng ang apiang te chu duh hun hunah lei theih anih tawh thu president hian a sawi. SIPMIU, Samsung 3:16 Plan Solution, Kabod Computer Institute leh RTS Foto Flash tena an sponsor, 4th Circle of Music Meet-ah hian ram changkangte tihdan anga an zaite man nei a lo ngai thla ve tawh
ṭhin turin mipuite an ngen nghal bawk a ni.