Ozzy Osbourne leh Black Sabbath inzawmkhawm dawn

Ozzy Osbourne leh Black Sabbath chu a tawpna atan inzawmkhawmin, Birmingham-ah July 5 hian fund-raising concert an nei dawn. Concert hi Villa Park-ah an nei dawn a, band dang eng emaw zat an perform dawn bawk a, an zingah hian Metallica, Pantera, Slayer, Gojira leh Anthrax te an tel. He concert hi kum 20 hnua band original line-up- Ozzy Osbourne, Tony Iommi, Geezer Butler leh Bill Ward te an perform ho lehna tur a ni.

Osbourne hi Parkinson natna leh spinal injury a neih avangin hun rei tak chu che chhuak thei loin a awm tawh. A nupui Sharon chuan a pasal, kum 76 mi tan a show hnuhnung ber tur a nih thu sawiin, a ṭhiante leh amah ngaisangtute thlahna hun mumal a nei lo a, he concert hi a mangṭha na tur a ni, a ti. Rage Against The Machine guitarist Tom Morello, event musical director pawhin heavy metal show awm tawh zawng zawnga la ropui ber tur a ni, a ti bawk. He show-a an pawisa hmuhchhuah chu Cure Parkinson, Birmingham Children's Hospital leh Acorn Children's Hospice te hnenah an hlan dawn.