Apple TV+ Song Battle series-ah Megan Thee Stallion leh PSY

Apple TV+ huaihawt Song Battle Series 'KPOPPED' show tharah Grammy pawh lo dawng tawh, Megan Thee Stallion leh K-Pop legend 'Gangnam Style' star PSY te an thawk dun dawn. He show hi Apple TV kutchhuak, K-Pop lam hawi series chhuak pahnihna niin tih chhuah hun tur erawh a la chiang lo.

He show buatsaih tur hi episode pariat awm tura tih a ni a, hla hmanga in tihsiakna tur niin Lioneel Richie leh CJ ENM's Miky Lee te chu executive producer an ni. CJ ENM hi Korean ennawm khawvel a thawh hlawk tak niin Eureka Production te pawh he show thar produce-tu zingah hian an tel.

Show kalhmang tur tarlanah episode tinah khawthlang zaithiam ten an hla lar zual te chu K-Pop idol ṭhazual te nen thawk hoin intihsiakna an nei dawn a, thlirtu mipui ten an intihsiaknaah hian a chak zawk hi an thlang ang.