Frank Ocean hlawhtlinna lian ber

Billboard album chart lamah chuan Frank Ocean tan a hlawhtlinna lian ber, a chhinchhiah reng tur hun a rawn thleng. A album 'Blonde' chu kar liam ta chhunga album hralh chhuah tam ber a ni.

Frank Ocean hian Billboard Hot 200-ah pakhatna a la luah ngai lo a, a vawi khat nan 'Blonde' album hmangin pakhatna a rawn luah. Kar liam ta chhung khan he album hi copy 276,000 zet a hralh thei. Kumina album tihchhuah tawh zingah chawlhkar khat chhunga album hralh hnem ber pathumna a rawn tling thei a ni.

Kumina album chhuak tawhho zinga chawlhkar khat chhunga album hralh hnem ber chu Drake-a album hit 'View' kha a ni a, chawlh≠kar khat chhungin copy 276,000 lai a hralh. Beyonce album hit 'Lemonade' chu hralh hnem pahnihna niin, chawlh≠kar khat chhungin copy 653,000 lai a hralh thei a ni.

Frank Ocean hian a album a hralh zawng zawng zinga copy 232,000 zet hi album puitling pangngai a ni. A bak erawh chu album tlukpuia chhiar track leh streaming te a ni thung.

Drake album 'Views' chu pahnihnaah a la awm thei cheu a, kar liam ta chhung khan copy 77,000 zet a la hralh thei cheu. Suicide Sqaud: The Album chu pakhatna aṭangin pathumnaah a chhuk a, copy 76,000 lai hralh belh leh a ni.

Billboard Hot 200

"Blonde" - Frank Ocean (276,000)

"Views" - Drake (77,000)

"Suicide Squad: The Album" - Various Artists (76,000)

"I Told You" - Tory Lanez (52,000)

"Brave Enough" - Lindsey Stirling (49,000)

"Blurryface" - Twenty One Pilots (33,000)

"25" - Adele (28,000)

"Anti" - Rihanna (27,000)

"Major Key" - DJ Khaled (27,000)

The "Hamilton" Soundtrack - Various Artists (23,000)