'Conclave', 'Wicked', 'Nosfetaru' ten CDGA dawng

Costume Designers Guild Awards 2025 chu sem niin, contemporary, period leh sci-fi/fantasy film-ah 'Conclave', 'Nosfetaru' leh 'Wicked' te chuan award an dawng. Heng film pathumte hi costume design Oscar atan nominate an ni a, A Complete Unknown leh Gladiator II pawh an tel.

Ningania The Ebell, Los Angeles-a 27th annual ceremony neihah 'Hacks', 'Shogun' leh 'Dune: Prophecy' te chuan contemporary, period leh sci-fi/fantasy award an dawng. The Masked Singer chuan variety, reality-competition leh live-television-ah award a dawng bawk.

CDGA hi 'Nobody Wants This' star Jackie Tohn-a'n a host a, Emilia Perez changtu Zoe Saldan hnenah spotlight award, Janelle Monae hnenah vanguard spotlight award, Jean Beavan hnenah career achievement award leh Salvador Perez hnenah service award hlan a ni a, Van Smith chu Edith hall of fame award hlan a ni bawk. Los Angeles-a kangmei tuarte ṭanpuinan CDGA chuan online auction chu Propstore nen ṭangkawpin an nei a, an sum hmuhchhuah hi IATSE Emergency Relief Fund hnenah hlan a ni ang.