'The Fantastic Four: First Steps' Trailer-in view mtd 200 chuang nei

'The Fantastic Four: First Steps' trailer, Thawhlehnia platform hrang hranga tih chhuah chuan darkar 24 chhungin entu mtd 202 a nei a, Marvel Studio movie trailer zingah 'Deadpool & Wolverine' leh 'Spider Man : No Way Home' dawtah ni khat nia view nei tam ber a ni.

He film-a changtute - Pedro Pascal, Ebon Moss-Bachrach, Joseph Quinn leh Vanessa Kirby te chu U.S Space leh Rocket Center, Huntsville, Alabama ah kalin trailer tih chhuahnaah hian an tel. Disney-in a tarlan danin Marvel YouTube live-stream in Alabama-a trailer a tihchhuah tawha entu tam ber a la ni a, YouTube trending video-ah pakhatna an ni bawk. 'The Fantastic Four:First Steps' hi July 2025-ah theater-ah pek chhuah a ni dawn.