Noah Cyrus-in a pa hla thar fak

Noah Cyrus chuan a pa, Billy Ray Cyrus single thar tih chhuah, 'Lost' chu ṭha a tih thu leh a chhuan thu a IG story-ah a sawi.

Billy Ray Cyrus hla thar 'Lost' tih hi Tinnesz leh Profitt te nen thawk hoa an siam a ni. Billy hi US President atana Donald Trump lak luh a nih hnua a lawmna, Liberty Ball-ah zaiin, audio technical chiang lo vangin duhthusamin a zai chhuak lo a, hei bakah a ṭawngkam hmante avangin a fan ṭhenkhat pawh an hnual phah hle. Mahse 'Achy Breaky Heart' star hi a fanu Noah Cyrus hian IG story kaltlangin a chhuan thu leh a hla thar mawi a tih thu sawiin a rawn fak a, a single thar 'Lost' a ti chhuak thei chu a chhuang hle tih a sawi a ni.