Lehkhabu bawm: Lalhruaizela Fanai lehkhabu pahnih tlangzarh

Lalhruaizela Fanai lehkhabu ziah pahnih, 'TANGKA' leh 'Economic Fallacies in Mizoram' tih chu Inrinni liam ta khan Aijal Club-ah TBC Lalvenchhunga, MLA, Adviser to Chief Minister-in a tlangzarh.

Lehkhabu tlangzarh zinga pakhat, 'TANGKA' hi Dr James LT Thanga'n a khuhhawng a, 'Economic Fallacies in Mizoram' hi Vanlalrosiama Ralte, MFAS in a khuhhawng thung. 'TANGKA' hi sum peipun dan dik leh him chungchang a ni a, stock market a investment tih dan te ziah a ni. 'Economic Fallacies in Mizoram' tih hi kan economic policy leh khawvel thlirdan a diktawk lo lai tarlanna a ni. Tlangzarh inkhawmah hian thupui hrang hrang hmangin sawi hona neih nghal a ni bawk. Lalhruaizela Fanai hi Mizoram Finance & Accounts Service (MFAS) ami a ni.