US best selling K-pop artist 2024-ah Stray Kids pakhatna

United States-ah K-pop chuan thawm an nei lian leh hle a,US best selling K-pop artist 2024-ah Stray Kids chuan pakhatna dinhmun a rawn luah.

Chartdata.org in a tarlan danin Stray Kids hian nikum chhung khan album copy mtd 1 chuang an hralh. Boy group Ateez ten dawtin, anni hian album copy 640,000 an hralh ve bawk. Enhypen chuan copy 570,000 an hralh a, pathumna dinhmun an luah. Tomorrow X Together (TXT) chuan album copy 488,000 hralhin palina an rawn ni a, Seventeen chuan copy 375,000 hralhin pangana dinhmun an rawn luah bawk. Girl group TWICE chuan album copy 366,000 hralh in parukna an ni a, LE SSERAFIM leh Aespa te chu pasarihna leh pariatnaah awmin LE SSERAFIM hian album copy 215,000 hralhin Aespa hian album copy 145,000 an hralh bawk. Solo category-ah BTS member Jimin chu pakuana-ah a lang bawk a, album copy 140,000 a hralh bawk a ni. BTS chuan group anga chet chhuahna nei rih lo mah se 10-na dinhmun rawn luahin, album copy 125,000 an hralh a ni.