Super Bowl-ah Taylor Swift an 'boo' khum

Super Bowl LIX, Pathianni liamtaa neih chu mi lar ṭhahnem takin an chhim leh. Chhimtu zinga mi Taylor Swift chuan mi zawng zawng lawm a hlawh bik lo. Caesars Superdome-a jumbotron-a a rawn lang chu mipui lamin nasa takin an lo 'boo' khum. Mahse Swift hian haiderin a nuihsan mai thung.

Pathianni zana Super Bowl-ah hian Philadelphia Eagles leh Kansas City Chiefs an inhmachhawn a, Philadelphia Eagels hi 40-22 in an chak zui a ni. Swift hian a bialpa, Kansas City Chiefs tana khel, Travis Kelce a ṭawiawm a ni. Super Bowl LIX entu zingah hian US president Donald Trump leh a fanu Ivanka Trump, Jay-Z leh a fanute, Bradley Cooper, Adam Sandler, Kevin Costner, Pete Davidson leh Lionel Messi te pawh an tel.