'Ne Zha 2'-in sum la lut hnem

China animate sequel 'Ne Zha 2' chu China Box office-ah che ṭhain, January 29-a tih chhuah a nih aṭanga Pathianni liam ta thleng khan RMB 7.58 Billion(USD tld 1.04) a la lut tawh.

'Ne Zha 2' hi Hollywood film ni lo zingah billion-dollar-club-a tel thei hmasa ber niin, North America pawna film tih chhuah zinga USD tld 1 la lut thei 13 zingah a tel pha bawk. China film chhuak tawh zingah 'Ne Zha 2' hi USD tld 1 hmu chhuak thei hmasa ber niin. Ram chhunga hlawhtlinna nasa tak a hmuh hnuin, tunkar hian ram pawn lam hmun hrang hrangah en theiha tih chhuah tum a ni a, a sum lak luh te hi RMB tld 10.8(USD tld 1.48) a tlin hman beisei a ni. 'Ne Zha 2' hi a script leh visual effect lamah fak a hlawh zual. A film hmasa, 2019-a tih chhuah 'Ne Zha' khan USD mtd 725 chuang la lutin, Chinese film chhuak tawh zinga sum la lut tam pangana a ni pha.