'Day Drinker'-ah Madelyn Cline chang dawn

American actress leh model, Madelyn Cline chu Lionsgate film thar, 'Day Drinker' ah Johnny Depp leh Penelope Cruz te nen an chang ho dawn. Cline hian Netflix series 'Outer Banks' ah a role hnehsawh takin a lo chang tawh a, 'Glass Onion', 'I Know What You Did last Summer 2025' leh Amazon MGM Studios pic, 'The Map That leads To You' ah pawh a in lan dawn a ni.

'Day Drinker' hi 'John Wick', 'The Tomorrow War', 'Free Guy' leh 'Prisoners' lo produce tawh tu, Basil Iwanyk leh Erica Lee te produce a ni a, screenplay ziaktu hi Zach Dean a ni. He film hi Lionsgate leh 3oWEST te thawhdun vawi hnihna tur a ni a, a hmain Paul Rudd leh Nick Jonas-te 'Power Ballad' ah an lo thawk dun tawh bawk.