K-drama thar 'Show Business' a chang tur puang

K-drama chhuak thar tur, Noh Hee Kyung ziah 'Show Business'a chang turte puan a ni a, Song Hye Kyo, Gong Yoo, Seolhyun, Cha Seung Won, leh Lee Ha Nee te an in lan dawn tih a chiang tawh.

He drama-ah hian entertainment industry-a thawkte thawhrim dan leh nun dan , an thil tawn khirh khan tak takte tarlan a ni ang. Shooting hi thla hmasa aṭang khan neih ṭan niin, kumin kum laihawl velah peihfel hman beisei a ni a. Drama thar hi Netflix-ah tih chhuah a ni dawn a, episode-22 awm tura beisei a ni bawk. Song Hye Kyo chu Min Ja, hmeichhe chhel tak, naupan lai harsatna in a chher hriam angin a in lan anga, Gong Yoo chu Min Ja naupan lai ṭhianṭha Dong Gu lemah a chang dawn thung. Seolhyun erawh Nin Hui lemah changin Cha Seung Won pawh Gil Yeo music industry mi lian tak niin, Lee Ha Nee chuan Yang Ja lem changin Min Hui nu angin a in lan ve thung dawn a ni.