Billboard Top Christian Album Imprints

Billboard Top Christian Albums Imprints year-end chart-ah Centricity Music chu pakhatna a ni a, Sparrow chu pahnihna niin G.O.O.D chu pathumna a ni bawk.

Centricity Music hi American contem­porary Christian music record label niin Kristian rimawi artist lar tak tak  Lauren Daigle, Jordan Feliz, Jason Gray, North Point InsideOut, Andrew Peterson leh NEEDTOBREATHE-te'n an thawhpui a ni a, an thawhpuite en hian Top Christian Album Imprints-a pakhatna an ni hi a mak lo hle a ni.

Pahnihna Sparrow Record hi Universal Music Group divison pakhat a ni a, kum 1976-a din daih tawh kha niin  Billboard Magazine hian "America's Best Christian Music Record Label" tihte pawha a lo sawi tawh a ni. Anni hian  Britt Nicole, Chris Tomlin, Mandisa, Matt Redman, Matthew West, Steven Curtis Chapman, leh Switchfoot-te an thawhpui ṭhin thung.

G.O.O.D hi Getting Out Our Dreams tihna niin  rapper Kanye West-in kum 2004-a a din kha a ni thung a, anni hi chuan Billboard 200 album chart-a No.1 ni thei album pasarih lai an lo nei tawh a ni. Kanye West-in Gospel lam a luhchilh hnuah Christian Album chart lamah an hming a lang ve ṭan a, Kanyw West album hralh a kal ṭhin bawk a, sum pawh an lalut hnem hle a ni.

1    Centricity

2    Sparrow

3    G.O.O.D.

4    Elevation Worship

5    Bethel

6    Fair Trade

7    Reunion

8    Essential

9    Capitol CMG

10  Hillsong