Khawvel mipui tld 9.9 tling dawn
Population Reference Bureau (PRB) chuan kum 2050 khi chuan khawvela mihring awm zawng zawng hi tlukleh≠dingawn 9.9 zet kan ni tawh dawn niin an sawi. Tunah hian mihring tluklehdingawn 7.4 vel awm tura chhut a ni a, heta
ṭanga chhut hian mihring punna hi za zelah 33 zet a tling dawn a ni.
PRB chuan kum 2050-ah mihring tlukleh≠dingawn 9.9 kan awm ang a, kum 2053 khi chuan tluklehdingawn 10 kan tling hman dawn niin a chhut. Europe-ah mihring an pun chak loh hle laiin, Africa-ah nasa takin an pung thung niin a tarlang.
Kum 2050 khi chuan Africa-ah mihring tld 2.5 an awm tling tawh ang a, North leh South America-ah mihring tld 1.2 an awm tling thung ang. Europe-ah erawh mihring an kiam ang a, tuna maktaduai 740 aṭang hian maktaduai 728-ah an tla thla dawn nia chhutin, Oceania-ah chuan tuna mihring maktaduai 40 hi maktaduai 66-ah a kai thung ang.
Ram tam takah mi≠hring an kiam laiin, ram 29-ah erawh chuan, kum 2050 khi chuan tuna mihring awm leta tam an awm tawh ang. Heng ramte hi Africa-a mi an ni deuh zel a, Niger ram chu khawvela mihring pun chakna ber a ni a, tuna mihring awm let thum zetin an pung tawh dawn niin PRB chuan a sawi.
Ram 42-ah te erawh tuna mihring awm aiin kum 2050-a mihring awm an tlem tawh zawk dawn a, heng ramte hi Asia, Latin America leh Europe-a mite an ni. Europe-ah chuan Romania ram chu mihring tlÍm zawkna tamna ber a ni dawn niin PRB chuan a sawi. Romania-ah hian tunah mihring maktaduai 20 an awm a, kum 2050 khi chuan maktaduai 14 chauh awm tawh tura chhut a ni. US bik erawh mihring pung tura beisei a ni a, tuna mihring maktaduai 324 hi kum 2050 khi chuan mi maktaduai 398 tling tawh tura ngaih a ni.
Tuna mihring awm dan chhutah hian, khawvela mihring za zela 25 chu kum 15 hnuai lam an ni a, ram changkang loah phei chuan an ram mihring zaa 41 zet chu kum 15 hnuai lam an ni. Japan-ah chuan mihring za zela 25 zet chu kum 65 chung lam an ni a, hetihlai hian Qatar leh UAE-ah chuan zaa 1 chauh kum 65 chung lam an awm thung. Europe leh Asia ram ṭhenkhatah chuan kum 15 hnuai lam aiin kum 65 chung lam an tam zawk.
Mihring pun dan
ω Tluklehdingawn khat tlin nan kum 300,000 a ngai a
ω Tluklehdingawn hnih tlin nan kum 130 chauh
ω Tluklehdingawn thum tlin nan kum 30
ω Tluklehdingawn li tlin nan kum 15
ω Tluklehdingawn nga leh ruk tlin nan kum 12