Kum 18 hnuai lam tan real money online games khap

Tamil Nadu Online Gaming Authority chuan an state-ah kum tling lo, kum 18 leh a hnuai lam tan real money online games khelh a khap.

Dan thar tih chhuah hi Tamil Nadu Online Gaming Authority (Real Money Games) Regulations, 2025 tih a ni a, kum 18 hnuai lam tana games hi khelh an khap bakah, khelh phalsak chin tan pawh zanlai dar 12 leh zing dar 5 inkara khelh leh login an khap a ni. He games khel turte chuan an account log-in na tan Aadhaar-based verification an hman a ngai bawk. Gaming platform-te chuan user-in chawl loa darkar khat chuang a khelh chhunzawm chuan pop-up message an siam tur a ni a, hemi hnu minute 30 danah an play time hraittirna message pawh tih lan ziah tur a ni, an ti bawk. Online real money platform-te chuan a log-in page-ah 'Online gaming is addictive in nature' tih tarlang vek tura tih an ni.