Kendrick-a Super Bowl performance-in sawisel hlawh

Super Bowl LIX Halftime Show, Pathiannia neih taka headline, Kendrick Lamar performance chuan fan ṭhenkhatte sawisel a hlawh hle. Kendrick hian Halftime show-ah hian Grammy award a dawnna, 'Not Like Us' a perform laiin hun rei tak ata boruak a lo neih pui tawh Drake kahna thu a chham chhuak a ni.

Kendrick-a perform lai hi internet kaltlanga lo thlirtu leh a hmuna entu fan eng emaw zat chuan Super Bowl Halftime show-a performance chhe ber ti hialin social media platform lamah an sel zui nasa hle. A perform laia lam mi 400 chuang zingah Palestinian flag-a Sudan leh Gaza tih inziak keng lang te awm in, NFL vice president of communication Brian Mc Carthy chuan he thil titu hi a damchhungin NFL stadium zawng zawngah a kal ve an khap sak zui thu a sawi bawk. Heng thil neuh neuh awm vang leh fan tam zawkte beisei ang a phak loh em avang hian Kendrick a chetla vel hian sawisel a hlawh hle.

Kumdang ang bawkin NFL Super Bowl LIX hian ngaihhlut a hlawh leh hle a, Caesars Superdome-a Philadelphia Eagles leh Kansas City Chief inkhel entu hi khawvel pumah mi maktaduai 126 an tling.

Kendrick pawh a perform chungchangah sawisel hlawh viau mah se Spotify music streaming app lamah erawh Super Bowl Halftime Show-a a in lan hnu hian album streaming neih a pung nasa hle thung.