Dave Chappelle in 2025 NAACP Image Award dawng dawn

Grammy leh Emmy award pawh lo dawng tawh comedian ṭha tak Dave Chappelle chuan 56th NAACP Image Award, February 22-a neih turah President Award a dawng dawn. President award hi Muhammad Ali, Jay-Z, Jesse Jackson, Rihana, LeBron James leh Usher te pawhin an lo dawng tawh bawk.

Dave Chappelle hian kawng hrang hranga vantlang tana a hnathawh ṭhatte bakah, a fiamthu hmanga politics inrelbawlna leh kaihhruaina hrang hrangte a kah ṭhin avangin mi ngaihven a hlawh hle.Tun thla tir lama Grammy Award semnaah khan 'Best comedy album' category-ah award a dawng a, Grammy Award vawi ruk a dawnna leh a zawna ṭum thum a dawnna a ni.