Billboard 200: The Weeknd album thar chungnung ber

The Weeknd album thar leh studio album pangana 'Hurry Up Tomorrow" chu tih chhuah a nih karah cheṭha nghalin Billboard 200 album chart-ah Number 1 dinhmun a hauh nghal.

'Hurry Up Tomorrow" hi The Weeknd album zinga karkhat chhunga hralh tam ber a ni. He album hian tlangzarh karah equivalent album unit 490,500 neiin kumina album chhuak hralh ṭhat ber a ni. A album-a hla 22-te hian on-demand stream mtd 175.5 an nei pha bawk. He album-ah hian mi lar hrang hrang - Anitta, Justice, Travis Scott, Florence+ the Machine, Future, Lana Del Rey leh Playboi Carti-te a thawhpui a ni.

Pahnihnaah hian kar hmasa lama pakhatna hauhtu, Bad Bunny album 'Debí Tirar Más Fotos' awmin equivalent album unit 94,000 unit a nei. SZA album 'SOS' chu pathumnaah awmin equivalent album unit 82,000 nei ve bawk. Palinaah hian Kendrick Lamar album ' GNX ' awmin equivalent album unit 65,000 a nei a, Billie Eilish 'Hit Me Hard and Soft' chuan equivalent album 53,000 unit neiin chart hmasaa10-na aṭangin panganaah a rawn in hlangkai.