Kenny Rogers-a'n music chawlhsan a tum thu a sawi

Country music sawi tawha hriat chhuah hmasak pawl, Kenny Rogers chuan music chawlhsan a tum hnai ve ta.

Kum 78 mi a ni ve tawh a, kumin kum tir thleng khan tour-in a la chhuak peih. Music khawvelah chuan hlawhtlingin, putar ni tawh mah se, zai lamah chuan a la hlawhtling reng. A dinhmun la ṭha hle mah se chawlh a hun tawhin a hria a, music chawlhsan turin a rilru a siam ta a ni.

"Hmachhawp ka siamte tunah chuan ka hlen chhuak ta a ni," a ti a, tunah chuan a chawlh a hun ve tawhin a hria a ni. Chawlh thu sawi mah se, kumin emaw thut thuta chawl tura beisei loh tur. Programme hma≠chhawp a la ngah hle a, chungte chu a tih zawh phawt a ngai. Kum 2017 April thla thleng khian zaina tur hmachhawp, sawmna hrang hrangte a la ngah hle a, music a chawlh san a nih pawhin kum 2017 April hnu lamah a ni ang.

ρ Kenneth Ray 'Kenny' Rogers hi kum 1938, Aug 21-a piang a ni

ρ Kum 1958 aṭang khan eizawn nan tak tak music hi a hmang ṭan

ρ Studio album ringawt pawh 32 lai a tichhuak tawh a, single pariat a nei bawk

ρ Award lian tham a dawn hmasa ber chu kum 1977 khan a ni a, hetah hian Grammy Awards-ah Best Male Country Vocal Performance a dawng a, a dawnna hla chu 'Lucille' a ni