October thlaah Max Steel a chhuak dawn

Kum tawp kan hnaih tial tial a, action movie ṭha chhuah a hun chho leh ṭan dawn. October thla aṭang hian a ṭhen chu kan hmu ṭan ang a, kan hmuh hmasak tur chu Max Steel hi a ni.

October 14-a tihchhuah tur Max Steel hi rawlthar, kum 16 mi, Max McGrath-a, superhero a rawn nih chhoh dan chanchin a ni. Hei bakah hian Tom Cuise channa, Jack Reacher: Never Go Back chu October 21-a tihchhuah a ni bawk ang.

Action movie pangngai bakah hian thriller leh horror hmuhnawm hmel tur tak tak a chhuak dawn. Emily Blunt channa, The Girl on the Train hi October 7-a tihchhuah tur a ni a, thriller film a ni. En ch‚kawm tak chu Friend Request hi a ni a, October 7-a chhuak tur tho a ni. College zirlai zinga a lar pawl Laura chuan facebook-ah
ṭhian eng emaw zat a nei tawh a, ṭum khat chu Marina tih hmingpu aṭangin friend request a dawng nawlh mai. A confirm hnuah Laura ṭhian hnai tak takte chu rapthlak deuh deuhin an thi an thi ta mai. Laura hian Marina leh a Facebook profile-a ‚nchhia tibo tura beihna vel a ni.

US velah chuan a hlawhtlin pang≠ngai viaua miin an rin chu The Birth of a Nation a ni a, October 7-a chhuak tur tho a ni a, midumten sal an nih aṭanga zalÍnna nei tura an beihna lam pang a ni. Under the Shadow hi Tehran-a in hr‚ng chanchin a ni. October 21 khian Ouija: Origin of Evil a chhuak dawn bawk a, horror lam ngaina tan chuan a hmuhnawm ang.

Dan Brown-a lehkhabu ngaina laklawh tawhte tan chuan Inferno hi en a chakawm tawh tak zet a ni. Tom Hanks-a channa Inferno film hi October 28-a tihchhuah tur a ni a, Harvard University-a symbologist, Robert Langdon-a'n Dante-a 'The Divine Comedy' aṭanga thil inph˚m ru a hai chhuah dan a ni ber.