Exo hla 'Lotto' a ropui mek

K-Pop boy band hlawhtling EXO chuan 'Lotto' hla hmangin an la hlawhtling zel a ni tih an lantir a, he hla hi Billboard World Digital Song chart-ah pakhatna a ni mek.

EXO hian kar hmasa khan an hla 'Monster' hmangin pakhatna an luah tawh a, tunkara 'Lotto' hmangin pakhatna an luah leh. He hla hi kar liam ta chhung khan copy 8,000 lai an hralh belh a, 'Monster' hla hi kar hmasa hmasa leh, pakhatna a nih kar khan copy 6,000 an hralh (download) a ni.

'Lotto' hi Ex'Act album re-packaged edition-a mi a ni. Ex'Act album hi EXO tan an studio album pathumna a ni a, kumin June thla khan an tichhuak. Hemi hnu hian Ex'Act album hi phuah
ṭhain, hla tharte an dah belh a, chu chu 'Lotto' tih hmingpuin August thla khan an tichhuak leh a ni. Ex'Act album-a awm lo 'Lotto' hla he album-ah hian an dah thar a, chu chu tuna an hlawhtlinpui mek hi a ni.