Model sang tamte tluk loh Gisele Bundchen

Gigi Hadid, Kendall Jenner, Cara Delevinge, Adriana Lima leh model ropui tak tak tam tak awm mah se Brazilian model chhe lo leh hlawhtling Gisele Bundchen bawk chu khawvela model sum lalut hnem ber a ni leh.

Gisele Bundchen hi a kum tÍlin tar lam pan mah se, model chhuak thar leh chhe lo tak takte ai pawhin a la hlawhtling a, a chhiat loh a la ngai reng. Kum 2014 aṭang khan runaway bansan tawh mah se, modelling industry-ah hian a ropuina a la chuai tak tak thei lo a, a sum lakluh a la tam reng a ni.

Fa pahnih a neih tawh hnuah pawh Bundchen hi model hlawhtling, pian nalh a la ni reng thei. Thla 12 kalta chhung khan USD mtd 30.5 zet mai a la hlawh chhuak thei chei. A sum lakluhna lian chu khawvela brand lar berte zinga mi Chanel leh Carolina Herrera nena sumdawnna kawngah an thawk dun a, chu mai bakah ama hmingin lingerie leh skincare lam a tichhuak bawk.

Brazilian chhe lo hlawm an tih ṭhin zinga pakhat dang, Adriana Lima chu sum lalut hnem ber pahnihna a ni. Bund≠chen sum lakluh nena khaikhin chuan an inthlau hle. Adriana Lima hian kum khat chhungin USD mtd 10.5 a lalut. Victoria Secret Angel zinga run≠away zawh rei ber tawh hian L Brand lingerie a nei a, Maybelline leh UWC te nen an thawkho bawk.

Kendall Jenner chu pathumnaah a lang pha. Kendall Jenner hian USD mtd 10 lai a lalut a, a sum lakluh hi a pung nasa hle. Nikum kha chuan 16-na daih a ni a, kumin≠ah erawh pathumnaah a hmel kan hmu thei; a sum lakluh punna hi za zela 150 zet a tling. Estee Lauder leh Calvin Klein te nena an thawhhona avangin a sum lakluh a pung nasa hle.

Karlie Kloss hi palina anga dah ni mah se, Ken≠dall Jenner nen an sum lakluh chu a inzat chiah tho; kum khat chhungin USD mtd 10 lai a lalut tho. Kum 2015 nena khaikhin chuan a sum lakluh a let thawkin a pung. Fashion ad (fakna) velah a lang hnem hle a, chu bakah chuan L'Oreal, Express leh fashion leh cosmetic lam kaihhnawihte nen kawng hrang hrangah an thawkho.

Model sum lalut hnemte

Gisele Bundchen USD mtd 30.5

Adriana Lima USD mtd 10.5

Kendall Jenner USD mtd 10

Karlie Kloss USD mtd 10

Gigi Hadid USD mtd 9

Rosie Huntington-Whiteley USD mtd 9

Cara Delevingne USD mtd 8.5

Candice Swanepoel USD mtd 7

Liu Wen USD mtd 7

Miranda Kerr USD mtd 6