Priyanka Chopra US-ah pem a tum niin an sawi

ABC TV show hlawhtling tak Quantico-ah a chang mek a, a channa dang, Baywatch chu tihchhuah mai hmabak a ni. Hetianga khawthlang rama Priyanka Chopra a hlawhtlin takah chuan Los Angeles-ah a pem dawn niin an sawi ṭan.

Thu vavuk tam tak a awm a, a tak tak a nih leh nih loh a hriat hlawm loh. Mahse thil ni thei anga lang, a dika mi tam takin an rin chu Priyanka Chopra hian Bollywood a chhuahsan a, Hollywood-ah a pem an ti. Chanchinbutena an tarlan chu Priyanka Chopra hian US hi hun eng emaw chen chu a inah a hmang dawn a, kum nga vel a ni ang an ti.

Hetihlai hian Times of India chuan chutiang chu a ni dawn lo a ti thung. TOI-in a tarlan dan chuan Priyanka hian a chawr chhuahna hmun hi kalsan a tum lo. Quantico hi chan a ngai rih a, chuvang chuan US-ah hian a awm rih a ngai a, mahse Bollywood erawh a chhuahsan dawn lo niin a tarlang.