VMA entu an tlem

Kum dang nena khaikhin chuan kumina MTV VMA entu an tlem zawk a, nikum nena khaikhin phei chuan entu hi za zela 34 ngawtin an tlem.

Pathianni zana sem, MTV VMA hian TV aṭangin entu maktaduai 6.5 a nei a, nikum nena khaikhin chuan entu an tlem hle. Nikum aiin kumina entu hi maktaduai 4 vel zetin an tlem a ni. Nikum kha chuan US pumpuiah mi maktaduai 10 vel ten MTV VMA show hi an en.

Beyonce, Rihanna leh Britney Spears te zai mah se, rating a ṭha tawk lo hle bawk. TV lama entu tlem zawk mah se, internet streaming leh Facebook streaming lamahte chuan kum hmasa aiin hma a sawn hle. Internet streaming hi nikum aiin 70% ngawtin an pung a, Facebook streaming phei chu za zela 938 ngawtin an pung.