Dolly Parton a rawn par leh e

Country music sawi tawha hming rawn lang tel ve nghal ṭhin, zaithiam chuai thei lo, Dolly Parton chu tar a lamah a par mawina a rawn lantir leh a, Billboard chart-a Top Country Albums chart-ah pakhatna a rawn luah leh.

Kum 25 zet Country album chart-a pakhatna a luah theih tawh loh hnuah Dolly Parton hian chuai lam a la pan lohzia a rawn lantir. Pure & Simple album a rawn tichhuak a, country music khawvelah chuan hei tluk hi a awm lo a nih hi tih turin chart-ah pakhatna a rawn luah a ni. Country Album Chart-a pakhatna a luah hnuhnun ber chu kum 1991 kha a ni daih tawh a, heta a album chu Eagle When She Flies a ni.