Jeremy Renner Horror film vangin harsatna a tawh phah!

The Hur Locker-ah te, The Bourne Legacy-ah te leh, action movie hmuhnawm tak takah a chang tawh a, mahse Jeremy Renner vanduaina thlentu chu Dahmer film kha a ni.

Dahmer film hi kum 2002-a tihchhuah kha a ni a, horror film a ni. Hetah HIan Jeremy Renner hi tualthah hmang lemah a chang a, mi a thah turte a thah hmain anmahniah experiment eng eng emaw a ti ṭhin. He film hi a hlawhtling vak lo; USD 250,000 senga an siam a ni a, box office aṭangin USD 144,000 chauh an hmu chhuak.

Box office-ah a hlawhtlin loh mai bakah amah Jeremy Renner tan tak pawn he film hi vanduaina thlentu a ni. He film a chan hnu lawkah a zawhte duat tak mai chu an ruksak a, chu bakah bar-ah hmeichhe ṭhenkhatin an seh vak ringawt. An seh na deuh a niang, damdawi in a pan a ngai nghe nghe. He film avang bawk hian a bialnu a ṭhen a, chumi hnua bialnu dang neih a tum pawhin tuman an date duh tlat lo. A mak a ti ve hle.

Movie lamah kan hre lar ta hle a, mahse a tir tak aṭanga Renner-a tuipui chu music a ni. A naupan deuh lai chuan drummer a ni ṭhin a, chumi hnuah guitar a perh zui leh bawk a, piano te pawh a tum thiam hle. A ch‚ngin a zai ve leh lawp lawp ṭhin bawk. A ṭhiante nen music an tum a, hla an record ṭhin tih a sawi a, mahse eizawnna tak tak atan chu lemchan a duh ber a ni.

Lem chan lamah a lut a, a hlawhtling chho ta hle. The Hurt Locker a chan avang ringawt pawh khan Oscar-ah nominate a ni nghe nghe. The Hurt Locker-a a chan hma khan make-up artist a ni ve zawk hman! The Bourne Legacy te pawh a hlawhtlinpui a, kha film an chan lai khan, a chan turah reng reng stunt a ruai ngai lo, amah vekin a harsa lai zawng zawng pawh a chang vek. Movie hrang hrang chan tur hmabak a nei chho reng a, tunah chuan Hollywood-a actor hlawhtling pawl a ni tawh.