CMA Award nominee an puang

Country music khawvela inchawimawina sang, Country Music Association Awards chu a sem a hnai a, nomination list an punga chhuak. Kumin hi 50th Country Music Association Awards an semna tur a ni.

Nomination list-ah hian Stapleton, Underwood leh Urban te chu a langsar ber ber an ni a, anni pathum hi an ngaihhlut ber, Entertainer of the Year-ah an lang. Anni pathum bakah hian Garth Brooks leh Luke Bryan te he category-ah hian an lang bawk.

Stapleton leh Keith Urban te hi Male Vocalist of the Year-ah an lang ve ve a, Bentley, Church leh Tim McGraw te pawh he category-ah hian langin, an ṭha ṭhiau ṭhiau hlawm hle. Carrie Underwood hi country music-ah chuan a chhe ngai lo a, tun ṭumah pawh Female Voca≠list of the Year-ah a lang. Ani bakah hian Maren Morris, Kelsea Ballerini, Miranda Lambert leh Kacey Musgraves te hming a chuang bawk.

CMA Awards hi November 2-ah khian, Nashville-a Bridgestone Arena-ah sem a ni ang a, Carrie Underwood leh Brad Paisley ten an host leh ang; anni pahnih hian an lo host fo tawh a, an thiam hle.