o Upcoming movies o Morgan a hmuhnawm phian ang

Zanin aṭanga tih≠chhuah tur Morgan film hi a entlak phian hmel tlat. Police hnu≠chhui leh a behbawm vel lam ngaina tan chuan a hmuhnawm ang a, a thawnthu ruangam pawh a ngaihnawm tel hle ang.

Morgan film-ah hian Kate Mara a chang a, accident rapthlak tak thleng chungchangah, top secret place-ah he chetsualna thleng chhui zui tur hian tirh a nih chungchang a ni. Rating lama a landan chuan tharum thawhna a tam hmel a, ṭawngkam pawh bawlhhlawh ve tak tak a awm nual ang. Box office lama a dinhmun tur erawh hriat thiam a har. The Light Between Oceans, White Girl leh Kickboxer: Vengeance te pawh a chhuak ang.

Sully hi Tom Hanks channa tur a ni a, Sept 9-a chhuak tur a ni. He film-ah hian Hanks hi pilot lemah changin, thlawhtheihnaa an thlawh laiin, an chuanna leh sava insu avangin an buai a, harsatna kara him taka thlawhtheihnaa chuangte a ṭumpui dan a ni. Ithica hi The Human Come≠dy lehkhabu behchhana siam, Ithica ruala chhuak tur a ni. Homer Macauley, thirhrui lehkha sem chhawngtuin Indopui II laia an khuaa mite hnenah hlimna tur thuthawn a sem ṭhin chanchin a ni.

Sept 16-a tih≠chhuah tur Snowden hi a hmuh≠nawm a rinawm. Insual bur bur leh inkap bur bur lam chu a nih hmel loh. CIA thu pawimawh tak takte khawvel hriata phochhuaktu Edward Snowden chanchin a ni. US-in man tum a beih reng, Russia-in a hum tlat kha a ni. Kristianna behchhan film, The Hillsong: Let Hope Rise hi tunlai khawvela kohhran lar leh ṭhang chak tak, The Hillsong Kohhran lo din chhuah dan leh ṭhan zel dan tur a ni.

September thlaa mo≠vie chhuak turho zingah chuan The Magnificent Seven hi a hma aṭanga thawm nei lian, A-lister-ho channa langsar a ni a, Sept 23-ah a chhuak ang. Denzel Washington te, Chris Pratt te, Ethan Hawke te channa a ni. Industrialist, duham tak mai, Bartholomew Bogue-a'n Rose Creek khua a tihduhdah avang≠in he khuaa mite hian anmahni chhanhim tur≠in sorkarin man a duh ngawih ngawih outlaw pasarihte anmahni veng turin an ruai a, heng mi pasarihtena an ven dan chanchin a ni. Cowboy film kan tih ṭhin ang zinga mi a ni. He mo≠vie ruala chhuak ve tur, anima≠ted movie, Storks hi a hlawhtling phian mai thei. Hemi rual tho hian Steven Seagal-a channa, End of Gun a chhuak dawn. Mahse he film hi US puma chhuah tur a ni lo a, limited release chauh a ni.

Kum 2010-a Gulf of Mexico-a oil laih≠chhuahna hmuna thil thleng, chhiatna thleng behchhana siam Deepwater Horizon hi a hit a rinawm ve khawp mai. Sept 30-a tihchhuah tur a ni. Mark Wahlberg, Kurt Russell, John Malkovich tih velte channa tur a ni.