PUC-ah MDM-in V-Day Special Program buatsaih

Music Domain Mizoram (MDM) hmalaknain nimin khan Pachhunga University College campus-ah Valentine's Day Special(Drugs Awareness Campaign) ropui tak leh hlim taka hman a ni. Zaithiam hrang hrangten zirlai kalkawmte zaiin an awi.

He hun hi Pachhunga University College, NSS leh RRC, Excise & Narcotics dept, MSACS & HDFC nen ṭanghoa hman leh buatsaih a ni.

MDM president, Lalthlamuana chuan hunserh hmangin Peter Zohmingthanga, Excise & Narcotics Dept chuan zirlaite zingah ruihlo tih hlauhawm zia leh ti lo tura invawn a pawimawh thu a sawi. MSACS aṭangin Mizoram-ah HIV AIDS hluar mek karah ṭhalai te mipat hmeichhiatna hman kawngah invawn thianghlim a pawimawh thu an sawi bawk. HIV in kaidarh nasat berna chu sex aṭangin a nih avangin zirlaite chu sex laka fihlim turin an chah. HDFC-in financial literacy campaign neiin, digital payment hman nasat a nih tawh avangin online hmanga pawisa inruksakna thleng thei laka fimkhur a ṭul thu an sawi bawk a ni.