Albatross hla nen Gabby kan hmu dawn

Gabriel Hauhnar, Gabby tia social media lama hriat lar chuan vawiin hian a music video thar 'I tel lo chuan' chu a tichhuak dawn.

'I tel lo chuan' hi Albatross-in thiam taka an lo sak tawh ṭhin kha niin Gabby hian video siamin a rawn thar thawh leh dawn a, zanin lamah hi chuan Zonet-ah leh YouTube lamah thlira ngaihthlak theihin a awm tawh dawn a ni.

Gabby hi a zaithiam vanga Delhi lamah pawh contract neia hun eng emaw chen zaia awm tawh a ni a. 'I tel lo chuan' pawh hi a sa thiam hle ang tih a rinawm. A video thar tur hi BOG Production kut chhuak a ni ang.