Emmy Awards Best Drama Actress award dawng thei naupang ber Zendaya Coleman

 72nd Primetime Emmy Awards chu Pathianni khan Staples Center-ah sem a ni ta a, TV host lar Jimmy Kimmel chuan host-in 'Euphoria' actress kum 24 mi Zendaya Coleman chuan  Outstanding Lead Actress in a Drama Series award a dawng a, he award dawng thei zinga naupang ber record a siam.  

Award semna inkhawm hi hripui chu leng lo se chuan Microsoft Theater, Los Angeles-a neih tura ruahman a ni a, mahse hri a len avangin Staples Center aṭangin Jimmy Kimmel hian a host a, chawimawina dawngtute hian an in lam aṭanga lo dawngin virtual-in lawmthute pawh an sawi.

Primetime Emmy Awards hi  Acade­my of Television Arts & Sciences-in US prime time television programme ṭha zual a thlan chhuahte hnena sem a ni ṭhin a, kumina chawimawina dawngte hi nikum June thla aṭanga kumin May 31 inkara TV show aṭangtein an thleng a, July 28 khan nomination-te puanchhuahna an nei a ni.

Kumin Primetime Emmy Awards-ah hian 'Schitt's Creek' chu an che ṭha ber a, award pasarih ngawt mai a hui a ni.

Outstanding Lead Actress in a Comedy Series, Outstanding Lead Actor in Comedy Series, Outstanding Writing for a Comedy Series, Outstanding Directing for a Comedy Series, Outstanding Supporting Actor in a Comedy Series, Outstanding Supporting Actress in a Comedy Series-te chu  'Schitt's Creek'-a changtute hian dawng vek a,  Outstanding Comedy Series-te pawh  'Schitt's Creek' bawk hian dawngin Comedy award zawng zawng chu a hui fai vek.

Nomination hmu tam ber 'Watchmen'-in award pali a dawng

DC Comics series 'Watchmen' chu nomination hmu tam ber niin 11 laiah nomination a hmu a, award pali a dawng a, chung zingah chuan Outstanding Writing for a Limited Series or Movie pawh a tel.

'Succession' chuan award pali dawng ve bawkin Tyler Perry kutah Governors Award hlan a ni bawk.

Spider-Man actress leh The Greatest Showman hmangtein lemchan a thiam zia kan hmu tawh a, Bruno Mars music video 'Versace on the floor' aṭangin a chhiat loh zia chiang takin kan hmu tawh bawk. Heng avangte hian chawimawina eng emaw zat a dawng tawh a, tunah record thar rawn siam lehin Pathiannia sem tak Primetime Emmy Awards-ah khan HBO series 'Euphoria'-a a chan thiam em avangin Outstanding Lead Actress in a Drama Series award a dawng a, he chawimawina dawng thei zingah hian a la naupang ber.

Zendaya hian 'Euphoria' vang hian Satellite Award for Best Actress in a Drama Series pawh a lo dawng tawh bawk a, Black Reel Awards for Outstanding Actress in a Drama Series pawh a lo dawn phah tawh bawk a ni.

Outstanding Lead Actress in a Comedy Series    :     Catherine O'Hara, "Schitt's Creek"

Outstanding Lead Actor in Comedy Series    :     Eugene Levy, "Schitt's Creek"

Outstanding Writing for a Comedy Series    :     Daniel Levy, "Schitt's Creek"

Outstanding Directing for a Comedy Series    :     Andrew Cividino/Daniel Levy, "Schitt's Creek"

Outstanding Supporting Actor in a Comedy Series    :     Daniel Levy, "Schitt's Creek"

Outstanding Supporting Actress in a Comedy Series    :     Annie Murphy, "Schitt's Creek"

Outstanding Comedy Series    :     "Schitt's Creek"

Outstanding Variety Talk Series    :     "Last Week Tonight With John Oliver"

Outstanding Lead Actress in a Limited Series or Movie    :     Regina King, "Watchmen"

Outstanding Lead Actor in a Limited Series or Movie    :     Mark Ruffalo, "I Know This Much Is True"

Outstanding Writing for a Limited Series or Movie    :     Damon Lindelof & Cord Jefferson, "Watchmen"

Outstanding Directing for a Limited Series or Movie    :     Maria Schrader, "Unorthodox"

Outstanding Supporting Actor in a Limited Series or Movie    :     Yahya Abdul-Mateen II, "Watchmen"

Outstanding Supporting Actress in a Limited Series or Movie    :     Uzo Aduba, "Mrs. America"

Outstanding Limited Series or Movie    :     "Watchmen"

Outstanding Competition Program    :     "RuPaul's Drag Race"

Outstanding Lead Actor in a Drama Series    :     Jeremy Strong, "Succession"

Outstanding Lead Actress in a Drama Series    :     Zendaya Coleman, "Euphoria"

Outstanding Writing for a Drama Series    :     Jesse Armstrong, "Succession"

Outstanding Directing for a Drama Series    :     Andrij Parekh, "Succession"

Outstanding Supporting Actor in a Drama Series    :     Billy Crudup, "The Morning Show"

Outstanding Supporting Actress in a Drama Series    :     Julia Garner, "Ozark"

Outstanding Drama Series    :     "Succession"

Governors Award    :     Tyler Perry