2025 Rock & Roll Hall of Fame nominee puang

Rock and Roll Hall of Fame 2025 nominee-te puan a ni a, nominee 25 zinga pariatte hi an hming a lan ṭum khatna niin a dang parukte hi ṭum dang pawh a nominee lo ni tawh an awm bawk.

Nominee lang thar zingah hian OutKast, Billy Idol, Bad Company, Joe Cocker leh Black Crowes te an tel. A dang paruk, kum dangah pawh nominate lo ni tawh chu Mariah Carey, Oasis, the White Stripes, Cyndi Lauper, Joy Divison/New Order leh Soundgarden te an ni.

Rock and Roll Hall of Fame-ah hian nominating committee-in rimawi lama sulhnu nei ṭha te hi thlang chhuakin, heng mite hi vote thlak thei tura thlan chhuah mi 1,200 in an thlang chhuak leh dawn a ni. Hall of Fame-ah hian an music debut aṭanga kum 25 a liam hnuah lawm luh theih an ni chauh ṭhin. April thla hian thlan chhuahte chu puan

an ni ang.