Ed Sheeran-a'n India tour a khar ta

English singer leh songwriter, Ed Sheeran chuan India rama 'Mathematic Tour' a neih chu Inrinni liamta khan New Delhi-ah a khar ta. India tour hi January 30 khan Pune-ah ṭanin Hyderabad, Chennai, Bengaluru leh Shillong ah te concert hi a nei.

New Delhi-a tour kharna concert-ah hian Indian singer leh actor, Lisa Mishra-in concert khuh hawngin a perform a, mipuiin an lawm hle. Hemi hnu hian Sheeran chuan a hla " Castle on the hill " sain concert a ṭan a ni. "Happier" a perform laiin mipui lamah nikhua hre loa tlu an awm avangin rei lote show hi tih tawp niin, boruak ziaawm hnuah a chhunzawm leh nghal a ni. Sheeran hian India rama tour a neih ṭum hnihna a ni a, 2015-a a tour-ah khan Mumbai-ah chiah show hi buatsaih a ni thung.