Lehkhabu Bawm: 'Par Har 2' leh 'Thu Hlu' bu tlangzarh

Prof. Lalbiakdiki Hnamte lehkhabu thar pahnih - 'Par Har 2' leh 'Thu Hlu' tihte chu February 14, 2025 (Zirtawpni) tlai khan Assembly speaker Lalbiakzama'n a tlangzarh.

Lehkhabu tlangzarhna inkhawm hi Janis Hnamte-in a kaihruai a; The Book Cafe neitu Maruata'n lehkhabu thlirlawkna hun a hmang a, Vanglaini joint editor K Zothanpara'n a review bawk. 'Par Har 2' tih hi Prof. Dikteii'n a thil tawn ṭanga a rilrua awmte a ziah chhuahna thu chi hrang hrang dah khawm a ni a; 'Thu Hlu' tih erawh chu ṭawng danga ziak, Mizo ṭawnga a lehlin a ni thung. Lehkhabu pahnihte hi mihring nunphung atana inzirna lam hawi ve ve a ni.

Prof. Dikteii hi Mizoram University-ah zirtirtu niin, mawhphurhna pawimawh tak tak a chelh a; a hmain 'Par Har' tih lehkhabu a lo tichhuak tawh bawk.