mel Gibson-a'n movie a buaipui mek A lehpekah chuan The Passion chhunzawmna tur?

Movie khawvela mi ropui, Mel Gibson chuan tunah hian movie lian tak a buaipui mek a, November thla≠ah tihchhuah a tum. He a project hi a zawh fel hnua a hmabak tur lian ber ni mai thei chu The Passion of the Christ chhunzawmna tur a ni.

Mel Gibson hian Hacksaw Ridge film siamin tunah hian a buai mek a, he film hi November 4-a tihchhuah tur a ni. He film hi Kristiante tan chuan en chakawm a nih leh hmel. Indopui II lai chanchin behchhana a siam a, US sipaia medical lama awm, Desmond Doss chanchin a ni. Desmond Doss hi Indopui II lai khan US sipaiah lutin damdawi lamah a thawk a, indona muala a hmanraw pawimawh leh
ṭangkai ber chu ṭawngṭaina a ni.

Desmond Doss hi 7th Day Adventist a ni a, indonaa ralthuam keng tura an tih pawhin a rinna avangin ken a ngai lo tiin a hnial tlat ṭhin a, chumi hnathawh ropui tak chu a ni. He film-a a changtupa, Doss lema chang tur hi Andrew Garfield a ni a, The Amazing Spiderman-a a changtupa kha a ni.

Mel Gibson chuan he film a peih≠fel hnua a hmachhawp hmasa ber ni thei chu The Passion of the Christ chhunzawmna tur a nih thu a sawi. Gibson chuan hmachhawpah a awm reng tawh tih a sawi a, a film hming turah hian The Ressurection a ni mai thei tih sawiin, Isua thawhleh hnu chanchin a ni ang.

The Ressurection atan a thawhpui chu Randall Walace a ni. Ani screenwriter hlawhtling tak a ni a, Braveheart, Pearl Harbour leh We Were Soldiers te kha a ziah an ni. Wallace chuan The Passion kha a bul ṭanna ang chauh a nih thu a sawi.