Dont' Breathe a la lian zel

Box office lamah chuan horror movie a la hlawhtling ber rih zel a, Don't Breathe chuan kar tawp chhung khan USD mtd 15.7 a lalut a, pakhatna a la luah.

USD mtd 10 tling lo deuh lek senga siam Don't Breathe hi hrang bur bur ni loin, mi pathumin in pakhat an rawk chanchin a ni ber. He in an rawk≠naa tualthahna leh a rawk≠tuten harsatna an tawh dan a ni. Awlsam taka rawk theih mai nia an ngaih in chu chuti maia rawk theih a lo ni hauh lo. Him taka an tl‚n chhuah theih dan tur ngaihtuah chu thil pawimawh tak a ni ta zawk. Kar hmasa hmasa leh khan USD mtd 26.4 a lalut a, kar liam ta khan USD mtd 15.7 lalut lehin, North America
aṭang chauhin USD mtd 42 vel lai a lalut tling tawh.

Superhero film, Sui≠cide Squad chu pahnihnaah a la awm thei. He film hian kar liam ta, chawlhkar tawp ni thum chhung khan USD mtd 10 hmuh belh lehin, hengte nen hian USD mtd 297 zet chu North America aṭangin a thawk chhuak tawh a, ram dang aṭanga a sum hmuh tawhte zawng zawng nen USD mtd 672 a thawk chhuak tawh. Suicide Squad siam nana an senso hi USD mtd 175 vel a ni.

Pathumnaah hian film thar ni loin film hlui bawk a lang. Pathumna luahtu hi Pete's Dragon a ni a, kar hmasa kha chuan parukna a ni. Kar tawp chhung khan USD mtd 6.5 a lalut.

Box Office movie

"Don't Breathe" - $mtd 15.7

"Suicide Squad" - $mtd 10

"Pete's Dragon" - $mtd 6.5

"Kubo and the Two Strings" - $mtd 6.5

"Sausage Party" - $mtd 5.3

"The Light Between Oceans" - $mtd 5

"Bad Moms" - $mtd 4.7

"War Dogs" - $mtd 4.7

"Hell or High Water" - $mtd 4.5

"Mechanic: Resurrection" - $mtd 4.3