Tar hnuah Billboard-ah pakhatna

Kum 74 nih tawh pawha Billboard album chart-a pakhatna luah theih hi thil namai a ni lo chiang hle. Zaithiam tam tak an awm a, la ṭhalai tak tak, a ṭhen chu an vanglai hun hmang mekte an ni. Chungho zawng zawngina tuna an tluk loh chu pitar, kum 74 mi, Barbra Streisand a ni.

Barbra Streisand hian Encore: Movie Partners Sing Broadway album a tichhuak a, he album hi Britney Spears album thar te, Florida George Line, Frank Ocean leh Drake album tih velin a tluk lo. Streisand album thar ber hi kar liam ta khan copy 149,000 zet an hralh.

Barbra tan tuna a album hi Billboard-a pakhatna luah thei a album 11-na a ni a, a album tih≠chhuah tawh hrim hrim 35-na a ni der tawh mai. Barbra ropuizia a rawn lang a, heti hian Billboard album chart-a pakhatna luah thei album ngah ber pathumna a ni.

Billboard album chart-a pakhatna luah thei album ngah ber chu The Beatles niin, an album 19 lai mai chu Billboard-ah pakhatnaah a awm thei. Pahnihna hi Jay-Z a ni a, a album 13 lai mai chu pakhatnaah an awm tawh a, pathumnaah Barbra Streisand leh Bruce Springteen te an awm. Hmeichhe lamah chuan pakhatna a ni chiang a, pahnihna chu Madonna a ni a, a album pariat≠ten pakhatna an lo luah tawh a ni.

Florida George Line album Dig Your Roots chu pahnihnaah a awm a, copy 145,000 lai an hralh a, Britney Spears album pakuana, 'Glory' chu pathumnaah a rawn lang.

Billboard Hot 200

"Encore: Movie Partners Sing Broadway" - Barbra Streisand (149,000)

"Dig Your Roots" - Florida Georgia Line (145,000)

"Glory" - Britney Spears (111,000)

"Views" - Drake (72,000)

"Blonde" - Frank Ocean (67,000)

"Suicide Squad: The Album" - Various Artists (63,000)

"Lemonade" - Beyonce Knowles (26,000)

"Jeffery" - Young Thug (37,000)

"Anti" - Rihanna (32,000)

"Blurryface" - Twenty One Pilots (30,000)