Andrew Laltlankima A film chan leh hmachhawp a sawi

Zaithiam kha, actor a ni ta sia, thil ngaihnawm deuh deuh sawi tur a nei nual ta mai. Andrew Laltlankima chuan film a chan mai bakah music lamah hma­chhawp a nei lian hle a, mahse a chau lo a, a nun a hlim hle.

Nunna Thar film hi a chan pangngai chu Andrew-a te hian an zo tawh a, he film-a a changtupa ber tur hian an film chan chungchangah sawi tur a ngah hle. "Kan thawhhona a ṭha a, a nuam hle. A changtute kha a ch‚ng chuan a crew kan nih a ngai bawk a; a hahthlak ch‚ng awm ṭhin mah se, a hlimawm a, kan thawhhona a ṭha hle a ni," a ti. "Sap ram angin tih tur bik engmah a awm lo a, a changtute zinga mi tupawh mai kha, an chan loh lai a nih chuan thil zawn ngai an zawn lawp lawp a, a crew lama kan ṭan a ngai leh lawp lawp ṭhin," a ti.

Andrew-a hian an film chungchangah mi tam takin hriatsual palh an nei ang tih a hlau hle. "Nunna Thar hla a hlawhtling chho mek a, Wendy-i'n thiam takin a rawn sa a, mahse kha hla thu ang ngau ngau khan a film thawnthu hi a kalah kan ngai ang tih ka hlau hle," a ti. "Mi pakhat, beidawng tak, intihhlum tum, inhmuchhuak leh ta angah a film thawnthu hi a kal angin mi ṭhenkhat chuan an ngaiin ka hria a, mahse chutiang chu a ni chiah lo," a ti.

"Ka hla thu ang kha chu a film thawnthu ruangamah awm chu a awm ang, mahse khatiang kha a ni lo, a dang a, kan ch‚n loh lamah a kal daih dawn a ni," a ti. Nunna Thar film thawnthu hi Zosangliana ziak a ni a, mahse an han chan tak takah chuan, a thawnthu ang diak diaka tih hleih theih loh te, a hmuhnawm zawk tur lam ngaihtuah avanga tihdanglam deuh hlekte a awm niin a sawi.

Andrew-a hian film lam a buaipui zo hlim deuh hlawt a, hmachhawp a ngah leh nghal hle. Kumin chhung ngei hian music video thar, a hla tihchhuah hmanga siam chu TV lama pek chhuah a tum. 'December' tih hla, hman kuma lyric video-a a siam kha music video pangngaiin a siam dawn a, a inbuatsaih mek. Kumin October thla tawp emaw, November thla tirah emaw chuan tihchhuah hman ngei a tum. Hei bakah hian album buaipui turin a insangphek mek bawk.