Giant Panda endangered an ni tawh lo

China ram chhin≠chhiahna ang hial ngaih, giant panda chu uluk taka enkawl a, humhalh an nih rah a chhuah a, tunah chuan International Union for Conservation Nature chuan Vulnerable zingah a telh ta.

Khawvela nungcha hrang hrangte hi an tam dan te, an mang hlauhawma an awm leh awm lohah te chi hrang hranga thliar an ni. Extinct te chu hmuh tur awm tawh lo, khawvel ata mang tawh an ni. Extinct in the Wild an awm leh a, chungte chu ramhnuaia hmuh tur awm tawh lo a, sahuan leh mihringin tlem azawng an vulhte chauh awm tawh an ni. Critical Endangered chu mang mai hlauhawm tak tak tawh, ramhnuaiah pawh tlem te chauh awm tawh an ni. Hei aia dinhmun la ṭha hret, Endangered an awm leh a, hemi hnuai≠a mite pawh humhalh ngai tawh tak, mang mai thei dinhmuna ding an ni a, giant panda dinhmun pawh hetiang hi a ni
ṭhin. Vulnerable an awm leh a, hengte hi chu an dinhmun a ṭha a, mahse enkawl an nih loh chuan mang thei dinhmuna la ding an ni ve deuh tawh tho a, mahse an ṭhahnem tawh tihna a ni. Near Threatened, Conservation Dependent leh Least Concern titein a dang
ṭhen leh an la ni hlawm.

Kum 2004 khan giant panda hi 1,596 an ni a, kum 2014 chhiarpuiah kha chuan 1,864 an tling tawh a ni. Giant panda humhalh an nih theih nan China sorkar a ṭang hle a, kah a khap a, chu bakah an chenna tur hmun nasa takin a humhalh bawk. Nasa takin humhalh kawng≠ah hma lak ni mah se, International Union for Conservation of Nature (IUCN) chuan sik leh sa inthlakah hian panda te chÍnna nasa takin a chhe mek tih a sawi a, chuvang chuan ṭan leh lehzual a ngai a ti. IUCN chuan tun aṭanga kum 80 lo awm tur chhung hian panda chÍnna mau hmun zaa 35 lai a chereu ang a ti. Panda-te hi mau chi khat ring leh ei ṭhin an ni.

Hetianga nungcha, mang mai hlauhawm taka awm tawh, humhalh leh enkawl avanga rawn pung leh ta an awm nual. American bison (ram lawi chi khat) te pawh hi America ram hmuh chhuah a nih lai chho kha chuan an tam hle ṭhin. Amaherawhchu mihringten an kah nasat avang te, mihring ranvulhin natna a kai darh avangtein an mang ṭep. Kum 1800 hma lam kha chuan maktaduai 60 chuang awma ngaih a ni a, kum 1900 kha chuan 300 chauh an ni tawh. Theihtawpa humhalh leh enkawl an ni a, tun≠ah chuan 360,000 lai an tling tawh a, Near Threatened-ah dah an ni. Least Concern chu mang hlauhawm loh, ngaihtuah ngai lutuk lo a ni a, chumi dawt chiah chu Near Threatened an ni.